Претседателката Гордана Сиљановска-Давкова денеска ќе му го додели Орденот „8 Септември“ на професор д-р Сашко Кедев, за неговиот исклучителен придонес во повеќе области, соопштија од Кабинетот на претседателката.
Орденот се доделува за особени заслуги во медицината, не само во државата, туку и во европски и светски рамки, крунисани со членство во престижни меѓународни асоцијации.
Кедев ужива посебен углед како врвен интервентен кардиолог, кој вовел иновативни техники и методи, извршил неколку илјади коронарни интервенции и над 1.600 транс-радијални каротидни стентирања.
Потврден со 230 публикации со импакт-фактор на платформата „Web of Science“, H-индекс 36 и 13.650 цитати.
Покрај медицинските заслуги, орденот се доделува и за неговиот храбар придонес во конституирањето на самостојна Република Македонија и за активното учество во развојот на македонската демократија.