Швајцарците прелетале речиси 12.000 километри, Англичаните ниту еден

В сабота почнува осминафиналната фаза од Европското првенство, а 16 репрезентации го продолжуваат натпреварувањето со различни енергетски резерви.

Тоа е од причина што некои имаат подобри, а некои потешки услови за игра со оглед на долгите патувања од еден крај на Европа кон друг.

Прва по должината на патувањата е селекцијата на Швајцарија која од почетокот на турнирот досега прелетала дури 11.700 километри. Кампот им беше во Рим, а играа во Баку против Велс. Потоа играа против Италија во Рим. За третиот дуел Швајцарците се вратија во главниот град на Азербејџан на дуел со селекцијата на Турција.

Веднаш зад нив е репрезентацијата на Шведска која прелетала речиси 11.000 километри на релација Гетеборг – Санк Петербург – Севиља.

Репрезентацијата на Англија е единствена која не прошета со оглед на тоа што сите натпревари ги одиграа на „Вембли“, каде ќе играат и против Германија во осминафиналето.

Од Лондон ќе излезат дури ако поминат во следната фаза и ќе играат во Баку.

MILES TRAVELLED BY LAST-16 NATIONS
Switzerland - 7,245
Sweden - 6,644
Wales - 5,382
Czech Rep - 4,995
Belgium - 4,824
Ukraine - 3,757
Portugal - 3,696
Austria - 3,495
Croatia - 1,828
Spain - 1,530
France - 1,173
Holland - 1,111
Italy - 898
Germany - 572
Denmark - 395
England - 0

— Phil Cadden (@pjcadden) June 24, 2021