Шон „Диди“ Комбс ќе остане зад решетки еден месец подолго од првично предвиденото. Првично, неговото ослободување од Федералниот затвор Форт Дикс во Њу Џерси беше закажано за 8 мај 2028 година, но новиот датум е 4 јуни 2028 година, јавува „Пејџ сикс“.
Причината за продолжувањето официјално не е соопштена, но се поврзува со гласини за кршење затворски правила. Минатата недела „Ти-ем-зи“ (TMZ) објави дека Комбс имал проблеми со затворските службеници поради поседување и консумација на „домашен алкохол“ од ферментиран шеќер, сок и јаболка.
Гласноговорникот на Комбс изјави дека музичарот е сосредоточен на прилагодување, работи на себе и се труди за подобрување секој ден. „Како и со секоја позната личност во нова средина, ќе има многу гласини и претерани приказни – повеќето од нив неточни. Ве молиме да му дадат доверба, приватност и време да се фокусира на својот личен раст“, додаде тој.
„Си-би-ес њуз“ (CBS News) потоа објави дека Диди имал троен телефонски повик, што е забрането. Раперот се бранеше дека не бил свесен за правилата, бидејќи не му бил даден прирачник за затворот.
Шон Комбс е во затвор од неговото апсење во септември 2024 година.