Се запали новогодишна елка во Скопје
Новогодишна елка се запалила вечерва пред ТЦ „Бисер“ во Општина Аеродром. Сијаличките се најверојатно причина за пожарот, изјави за МИА командантот на Противпожарната бригада на град Скопје Звонко Томевски.
Скопските пожарникари добиле дојава за пожарот вечерва, околу 18 часот, по што веднаш излегле на терен.
- Имаше дојава и пет пожарникари со едно возило излегоа на терен. Пожарот е изгаснат и пожарникарите се вратени, изјави за МИА командантот на Противпожарната бригада на град Скопје Томевски.
15.12.2024 - 20:58
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
