Педесет и петгодишен скопјанец се здобил со изгореници откако избувнал пожар во неговото возило додека се движел на подрачјето на Чаир.
Според информациите од МВР, случајот бил пријавен на 11 јули околу 07:40 часот. Додека С.Д. (55) од Скопје управувал со своето возило, во текот на движењето избувнал пожар. Возачот успеал навреме да го напушти автомобилот, но притоа се здобил со изгореници по телото.
Пожарот бил изгаснат од екипа на Бригадата за противпожарна заштита – Скопје, а повредениот бил пренесен во ЈЗУ „Св. Наум Охридски“, каде му била укажана лекарска помош.
Полициски службеници од СВР Скопје извршиле увид на местото на настанот.