Поминаа 14 дена и се уште нема одговор за најголемиот нарко-скандал во регонот, како 5 тони дрога поминаа преку македонската граница и кој ќе одговара. Сите молчат. Мицкоски, Тошковски, Николовски, Тарчуловски, Томовски…, обвинуваат утрово од СДСМ во соопштение испратено до медиумите.
„Овој гласен молк е најсилна потврда дека нарко-скандалот води до врвот на Владата на Мицкоски.
Дополнително, со медиумската кампања за дефокус Мицкоски самиот се заплетка.
Јавно тврди дека 100 тони марихуана биле запленети.
Ако некој успеал 100 тони марихуана нелегално да произведе, повторно тоа е вина на
Владата на Мицкоски и институциите кои тоа го дозволиле, не го контролирале и не го спречиле.
За да се произведе 100 тони марихуана потребна е површина од над 30 хектари што е еднакво на површина од над 40 фудбалски стадиони.
Па кој во власта дозволил толкава површина да се одгледува во Македонија?
Зошто власта не направила ниту еден контрола на терен? Зошто не реагирала МВР, Здравство, Земјоделие, инспекторати.
Две години ништо не презеле?
Како безбедносните служби не приметиле толкава количина на марихуана? Што правеле АНБ и АР?
Како се чувала, се складирала, се пакувала во кутии?
Конечно, доаѓаме до клучното прашање, како поминале 5 тони дрога, шлепери и шлепери покрај 65 илјади камери од Сејф сити, скенери, контроли, полиција, царина?
Нема бегање од одговорност за нарко -скандалот.
Сите ќе одговарате“, велат од СДСМ.