СДСМ: Не може да има бугаризација со македонски јазик во ЕУ
СДСМ реагираше со соопштение по протестот против францускиот предлог и порача дека ВМРО-ДПМНЕ и Левица пласираат невистини во јавноста.
„Анти европската коалиција на ВМРО ДПМНЕ и Левица има проблем со пласираните невиситини.
Не може да има бугаризација со македонски јазик во ЕУ.
Во ЕУ како Македонци со чист македонски јазик не е асимилација, тоа му јасно на секого.
Бугаризација има колку што имаше кантонизација и федерализација.
Невистините за бугаризација и асимилација се пласирани затоа што немаат вистинска аргументација противниците на членството во ЕУ“, велат од партијата.
Анти-европска коалиција функционира врз база на хистерично ширење невиситни, сметаат од СДСМ.
„Изминатите неколку денови се случија насилни протести, тензии но и обид за крваво сценарио за предизвикување етнички конфликт, кое не успеа.
ВМРО-ДПМНЕ и проруската Левица, помогнати од Алијанса се обидоа во среде Скопје да испровоцираат меѓуетнички конфликт од огромни размери.
Сето ова говори за сериозноста на одредени анти европски структури кои сакаат да ја дестабилизираат државата, да го повторат 27 април или 2001 година.
Затоа потребно е одговорност за насилството и за режираните крвави сценарија да понесат сите инволвирани.
Институциите, безбедносните структури, нема да дозволат кој било да ја загрозува стабилноста на државата“, соопштија од СДСМ.
10.07.2022 - 22:29
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
