Се уште не е ниту формирана новата влада во Бугарија, а Христијан Мицкоски веќе има најавува заострување на климата меѓу двете земји. Ако ова го очекува и јавно го најавува, тогаш не мораме да чекаме јуни, нека каже веднаш: нема ништо од ЕУ интеграциите. Со ваква политика не можеме ниту нормални добрососедски односи да имаме, стои во соопштението на СДСМ.
„И не само што вели дека односите нема да бидат подобри, туку отворено најавува дека ќе се заострат.
Тоа значи дека тој самиот, како што правеше и досега, активно ќе работи на продлабочување на кризата, што токму го прави со оваа изјава. Кампањата за предизвикување конфликт со Бугарија ја започна.
Како што одамна рековме: Мицкоски не сака да продолжи со ЕУ интеграциите, бидејќи не може да продолжи со криминалот и корупцијата. Тој е на власт, а ја обвинува опозицијата за лошите односи.
СДСМ инсистира на продолжување на европскиот пат.
Внесувањето на правата на националните малцинства не е бугарско прашање, туку основен услов на Европската Унија.
ЕУ јасно кажа дека без исполнување на тој услов нема продолжување на преговорите.
Тогаш е бесмислено да се зборува за останатите точки од реформскиот план, бидејќи сето тоа е недостижно – основните две точки, а да не ги спомнуваме другите, бидејќи Мицкоски правосудството (како приоритет) целосно го приватизира, а слободата на медиуми со сопственикот Орбан не можеме ни да ја очекуваме.
Македонија заслужува подобра иднина, а Европа нема алтернатива. Оваа криминална организација мора да одговара за сè што ѝ го прави на овој народ.
Доаѓа времето на вистината, правдата и одговорноста!“, велат од СДСМ.