СДСМ: Мицкоски е самиот незадоволен самиот од себе
„Граѓаните може да се уверат дека нема ништо ново ниту во ВМРО – ДПМНЕ ниту кај Христијан Мицкоски.
Не слушнавме ниту еден став за прашањата кои се важни за граѓаните и за државата“, реагираат вечерва од владејачката СДСМ, во врска со интервјуто на лидерот на ВМРО-ДПМНЕ, Христијан Мицкоски.
„На пример Мицкоски не кажа кој е неговиот став за недела неработен ден или пак за зголемување на минималната плата?
Зошто ВМРО-ДПМНЕ го блокираше законот за работни односи во Собранието?
Молк од Мицкоски за повеќе суштински прашања од интерес на граѓаните“, потенцираат во соопштението.
„Се добива впечаток дека и самиот тој е незадоволен од себе си па мораше на интревју да го дообјаснува неговиот настап на Конгресот пред само неколку дена.
Останува да видиме уште колку интервјуа ќе му бидат потребни на Мицкоски да се дообјаснува.
Празни збори и флоскули не се политика, тоа е време да го научи Мицкоски“, се додава во писмената реакција до медиумите на СДСМ.
14.12.2021 - 21:59
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
