СДСМ: ДПМНЕ за 2 години не направи ништо во 40 општини, резултати нула
После 2 години од мандатот на ДПМНЕ како локална власт во над 40 општини во државата јасно е дека градоначалниците од ДПМНЕ не ја оправдаа довербата и не го испорачаа она што го ветуваа пред граѓаните, велат од СДСМ.
Партијата преку соопштение тврди дека на половина од мандатот резултатот на локалната власт на ДПМНЕ е нула.
„Проектите кои ги ветуваа не се реализирани, изборните програми на градоначалниците на ДПМНЕ останаа лажни и нереализирани ветувања.
За 2 годиини ДПМНЕ ги изневери граѓаните и удри по нивниот џеб со поголеми сметки за данок на имот и до 300%, но и за ѓубретарина, вода, комунални услуги.
Тоа е поразителниот заклучок после 2 години локална власт на ДПМНЕ.
Власт за ДПМНЕ значи уназадување и поголеми сметки за граѓаните“, се вели во соопштението.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
