Триесет и седумгодишен Србин бил повреден во лицето со скалпел на железничка станица во Берлин, откако се обидел да заштити жена која била вербално вознемирувана од непознат маж.
Инцидентот се случил во неделата навечер околу 22:30 часот на станицата Нордбанхоф С-Бан во центарот на Берлин.
Според информациите на германскиот портал Таг 24, повикувајќи се на Федералната полиција, 39-годишниот осомничен прво го удрил српскиот државјанин во лицето, а потоа со скалпел му нанесе рана со должина од околу 1,5 сантиметри.
Поврдениот 37-годишен маж со возило на итна медицинска помош бил пренесен во болница каде што му била укажана лекарска помош.
Напаѓачот по инцидентот побегнал од местото на настанот, но неговото бегство кратко траело.
Рано наутро во понеделникот, околу 05:30 часот, полициски службеник кој не бил на должност го препознал напаѓачот на главната железничка станица во Берлин, откако претходно ги прегледал снимките од надзорните камери.
Федералната полиција го лишила од слобода 39-годишниот германски државјанин, за кого посочуваат дека и од претходно и е познат на полицијата.
Против заподозрениот се води истрага за кривично дело нанесување тешки телесни повреди, а судија во претходна постапка треба да одлучи за мерката притвор.