Генералниот секретар на НАТО, Марк Руте, ги отфрли шпекулациите за итно активирање на Членот 5, кој предвидува заедничка одбрана на сите сојузници, откако силите на Алијансата соборија иранска балистичка ракета над Турција. Иако ова е првпат членка на НАТО директно да биде вклучена во конфликтот на Блискиот Исток, Руте нагласи дека во моментов „никој не зборува за Членот пет“.
„Најважно е што нашите противници видоа колку е силен и буден НАТО“, изјави Руте за Ројтерс, додавајќи дека Алијансата цврсто стои зад САД во нападите врз Техеран. Иако Иран негира дека лансирал ракети кон Турција, инцидентот предизвика највисоко ниво на тревога во Брисел и Анкара.