Руската Црноморска флота цел на напади со дронови

Руската Црноморска флота во раните утрински часови успешно одби напад со површински беспилотни летала на заливот Севастопол, на Крим, објави гувернерот на Севастопол, Михаил Развозаев на својот канал Телеграм.

Тој изјави дека се уништени вкупно три беспилотни летала кои се обиделе да влезат во заливот и дека воените бродови не се уништени.

„Нашите морнари пукаа кон нив со мало оружје. Работеше и противвоздушната одбрана“, напиша гувернерот на Севастопол, каде се наоѓа главната база на Црноморската флота.

Како резултат на експлозиите на беспилотни летала, разнесени се прозорците на куќата на плоштадот Нахимов во Москва, пренесува Риа Новости.

Од јули минатата година, украинските сили периодично користат беспилотни летала за да го нападнат Севастопол, како и други објекти на Крим. Според руската агенција, повеќето од беспилотните летала се соборени од системот за противвоздушна одбрана.

Киев објави дека ракетите биле наменети за руската Црноморска флота.

22.03.2023 - 09:09

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега