Русија се подготвува за масовна вакцинација против коронавирусот

Русија се подготвува во октомври да почне со масовна вакцинација против коронавирусот, соопшти министерот за здравство на оваа земја, Михаил Мурашко.

Тој рече дека лекарите и наставниците ќе бидат првите кои ќе бидат вакцинирани, но не откри која вакцина ќе биде користена, пишува Ројтерс.

Оваа недела еден извор за агенцијата соопшти дека првата потенцијална вакцина против ковид-19 во Русија, која ја развива државниот научно-истражувачки институт би можела да добие одобрение за употреба во август, и набрзо потоа здравствените работници би можеле да бидат вакцинирани.