Американскиот претседател Доналд Трамп ќе разговара со украинскиот претседател Володимир Зеленски за потенцијален прекин на нападите врз енергетската инфраструктура, односно резервите на енергенси, изјави американскиот државен секретар Марко Рубио.
– Тоа би била одлична идеја, прекин на огнот врз енергетската инфраструктура, во чии рамки украинската инфраструктура не може да биде цел, како ни руските резерви на енергија. Тоа е идеален исход – рече Рубио, пренесе Фокс Њуз.
Рубио наведе дека Украина, „намерно или не“, во текот на изминатите месеци извршила напади врз неколку товарни бродови поврзани со Соединетите Американски Држави.
– Сепак, една работа што нè загрижува е тоа што во повеќе наврати во последните неколку месеци бродови поврзани со САД и американски испораки на нафта беа цел на напади од Украина, веројатно не намерно, но сепак беа цел. Тоа е прашање што мора да се реши. Не смееме да дозволиме да се случуваат такви работи, рече Рубио.
Украинскиот претседател Володимир Зеленски повеќепати јавно бараше од САД дополнителни пресретнувачи, што американскиот претседател Доналд Трамп повеќепати го одби, наводно поради намалените резерви условени од американската војна против Иран.
Трамп побара од Украина да ја прекине кампањата на напади со дронови врз руските рафинерии поради влијанието на тие напади врз цените на горивата. И покрај тврдењата дека Зеленски се согласил, Украина во текот на изминатата недела изврши неколку големи напади врз големи руски рафинерии, вклучувајќи и рафинерии во Москва