Иранската Црвена Полумесечина (IRCS) објави извештај за штетите предизвикани од американските и израелските напади, според кој во земјата се оштетени повеќе од 3.000 станбени објекти и 500 трговски центри. Најголеми разурнувања се забележани во главниот град Техеран.
Според хуманитарната организација, цел на нападите биле објекти лоцирани во густо населени подрачја, а оштетувања претрпеле и 14 медицински и фармацевтски центри.
„Повеќето од целите на нападите биле во густо населени области“, соопшти Црвената Полумесечина, додавајќи дека меѓу повредените има и петмина нивни хуманитарни работници.
На списокот на оштетени објекти се наоѓаат неколку болници, пазарот во Техеран, аеродромот „Мехрабад“, како и познатиот стадион „Азади“. Американската мрежа Си-Ен-Ен напоменува дека засега не може независно да ги потврди овие бројки.