Рама: Србите се на маса, а Косоварите бегаат, тоа е незамисливо
Албанскиот премиер Еди Рама изјави дека Косово влегло во опасен циклус со мешање на надворешната и внатрешната политика.
Тој посочи дека постои „концептуално несогласување“ со премиерот на Привремените институции во Приштина, Албин Курти, околу регионалната политика и иницијативата „Отворен Балкан“, што, како што вели, е стратешки интерес на албанската нација.
Тој за ТВ Клан изјави дека не може да ја прифати идејата дека Косово ја напуштило масата, додека Србија е присутна, пренесува „Газета експрес“.
„ Она што го постигна нашата дипломатија со Белград е дека претседателот на Србија го прифати слободното движење на луѓе како дел од она што ние денес го нарекуваме „Отворен Балкан“. Берлинскиот процес е токму тоа, но тој е многу побавен и зависи од европската бирократија. Она што не го разбирам е дека “Порано имаше борба да се седне на маса. Денес, Србите се на маса, а Косоварите бегаат, тоа е незамисливо”, рече Рама.
Како што додава, за „Отворен Балкан“ не се преговара, се дискутира.
Говорејќи за дијалогот меѓу Белград и Приштина, Рама рече дека е многу тешко, но дека атмосферата што го опкружува не треба да биде „атмосфера на барикади“.
Макфакс
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа