Рускиот претседател Владимир Путин потпиша указ за регрутација за воена служба што ќе трае од јануари до 31 декември 2026 година, со што се предвидува да бидат вклучени 261.000 руски граѓани, објавија руските медиуми.
Указот е објавен на официјалната веб-страница за правни информации и се однесува на руски граѓани на возраст од 18 до 30 години кои не се во резерва на армијата.
Врз основа на истиот указ, војниците и помладите офицери чија воена служба е истечена ќе бидат отпуштени од армијата. Руската влада добила упатства за спроведување на мерките поврзани со регрутацијата.