Едно лице загина, а друго е тешко повредено во пукотница што се случи денеска околу 14:20 часот на кружен тек во близина на аеродромот во Тирана. Нападот, кој бил внимателно планиран, го потресе главниот град на Албанија.
Убиениот е идентификуван како Г.Д. (47) – Гилмано Дани, кој починал на лице место. Тој, според албанските медиуми, бил близок соработник и довереник на Емилијан Сулази, едно од најозлогласените имиња во албанското подземје, поврзано со трговија со дрога и изнуда во Тирана и Драч.
Втората жртва, М.Ш. (40), е пренесена во болница во критична состојба и се наоѓа под медицински надзор.
Напаѓачите пукале од возило марка „Тојота Јарис“ кон „Мерцедесот“ во кој се наоѓале жртвите. Акцијата била брза и професионална:
Возилото на напаѓачите набргу потоа е пронајдено запалено во близина на Фуш-Круја, што укажува на планирано прикривање на трагите.
Полицијата веднаш го опколила целиот регион и поставила контролни пунктови, но засега нема информации за сторителите. Истрагата е во тек и се очекува да се расветлат мотивите зад оваа пресметка во криминалното подземје.