Прво човек, потоа градоначалник“ е мотото под кое денеска ВМРО-ДПМНЕ и коалицијата го организираат промотивниот настан за кандидатот за скопски градоначалник Орце Ѓорѓиевски.
На настанот што се одржува во Музејот на современа уметност, се промовира и советничката листа која брои вкупно 45 кандидати за советници.
Промотивниот настан почна со државната химна во изведба на хорот Злата Мегленска. Се очекува да се обрати премиерот и претседател на ВМРО-ДПМНЕ Христијан Мицкоски, а потоа и Ѓорѓиевски.
-Се отвора нова фаза за Скопје, дојдено е време да се преземе вистинска одговорност, беше речено во воведниот дел на промоцијата.