Во организација на Граѓанската иницијатива „Стоп за Усје“, вечерва се одржа протест со блокада на крстосницата на булеварите „Борис Трајковски“ и „Србија“ во Скопје.
Учесниците на блокадата бараат надлежните институции да најдат решение за проблемот со загадувањето на воздухот во Скопје, кое, според нив, е предизвикано од работењето на Цементара Усје и бара нивна дислокација.
На транспарентите се гледаа пораки како: „Воздухот наш за профитот ваш“, „На хартија бело, во дробови црно“ и „Не сакаме изговори, сакаме чист воздух“.
„Наместо заштита на јавното здравје, сведоци сме на системско игнорирање на алармантните податоци, неделување и прикривање на одговорноста. Нашата порака е јасна: нема повеќе молк, нема повеќе одложувања и нема повеќе жртвување на здравјето на граѓаните за сметка на профитот“, велат од Граѓанската иницијатива „Стоп за Усје“.