Бугарија ја продолжи забраната за извоз на инсулини, инсулински аналози и неколку категории антибиотици до 23 јануари 2026 година, соопшти бугарското Министерство за здравство по налог на министерот Силвио Кирилов.
Одлуката следи по серија пријавени проблеми со снабдувањето – недостатоци на одредени лекови, одбивања од веледрогерии да испорачуваат нарачки, како и доцнења и намалени количини на пристигнати препарати.
Мерката ги опфаќа инсулините и нивните аналози, SGLT2-инхибиторите, лековите на база на семаглутид, антибиотиците што содржат азитромицин, како и лекот месалазин.
Првата забрана за извоз на инсулини беше воведена во ноември 2023 година и оттогаш неколкупати е продолжувана поради нестабилната ситуација на пазарот.