Приведени двајца крадци од Скопје – оперирале во Кисела Вода
Двајца крадци биле приведени завчера околу 22:00 часот, едниот бил фатен како краде, а другиот се сомничи дека му помагал.
-Полициски службеници од ЕВР Кисела Вода го лишиле од слобода И.Р.(30) од Скопје поради сомнение дека истиот ден на подрачје на ЕВР Кисела Вода извршил две кривични дела „тешка кражба“ и едно кривично дело „тешка кражба“ во обид. Лицето било приведено и задржано во полициска станица. По преземени мерки кај него биле пронајдени предмети кои потекнуваат од кривичните кои ги извршил и тоа: „тешка кражба“ на ул.„Козјак“, „тешка кражба“ на ул.„Димитар Мирасчиев“, „тешка кражба“ на ул.„Стојан Стојановски“ и „тешка кражба“ во обид на ул.„Димитар Мирасчиев“. Во врска со споменатите дела, односно поради сомнение дека извршил кривично дело „помагање“ во извршување на кривичните дела приведено е и лицето О.И.(29) од Скопје, појаснуваат од МВР.
По целосно документирање на случајот против двајцата ќе бидат поднесени соодветни пријави.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа