Принудиле 14-годишно девојче да им бакне нозе, па започнале да ја клоцаат и тепаат: Брутален напад во Берлин

Четиринаесетгодишно девојче заврши во болница по напад во берлинската населба Нидершонвеиде. Според извештајот на берлинската полиција, група од девет лица ја нападнале малолетничката во саботата доцна навечер на паркинг во Шнелерштрасе по претходна расправија, пишува Цајт.де.

Според досегашната истрага, напаѓачите ја принудиле девојката да клекне на земја и да му ги бакне рацете и чевлите на еден од напаѓачите. Потоа, осомничениот ја удрил со нога по лицето, а потоа останатите членови на групата почнале да ја клоцаат и тепаат девојката додека таа беспомошна лежела на земја.

Полицијата наведува дека еден од напаѓачите го снимал целиот инцидент со телефон, додека мобилниот телефон на жртвата бил одземен и фрлен во блиската река Шпре.
Во нападот малолетничката се здобила со повреди на лицето и болки во зглобот и нозете. По инцидентот таа била пренесена во болница на амбулантско лекување.

Берлинската полиција интензивно работи на откривање на идентитетот на сите осомничени, кои засега се непознати. Истрагата за околностите и мотивите на нападот е во тек.