На повторените локални избори за градоначалник во општините Врапчиште, Гостивар, Центар Жупа и Маврово и Ростуше, до 11 часот гласале 3.553 избирачи, што претставува 3,32 проценти од вкупно 128.286 запишани гласачи на 215 избирачки места, информира Државната изборна комисија (ДИК).
Според објавените податоци, највисока излезност е регистрирана во општина Маврово и Ростуше, каде правото на глас го искористиле 624 граѓани, односно 5,90 проценти од вкупниот број запишани избирачи.
Во Гостивар до 11 часот гласале 1.937 избирачи, што е 3,14 проценти. Во Врапчиште гласале 834 граѓани, односно 3,02 проценти, додека во Центар Жупа гласале 168 избирачи, што претставува 2,22 проценти од вкупниот број запишани гласачи.
Во споредба со локалните избори одржани на 19 октомври минатата година, ДИК информира дека до истиот час е забележан пораст на излезноста само во општина Врапчиште, додека во останатите општини таа е намалена.
– Во споредба со изборите од 19 октомври 2025 година до истиот час, излезеноста е зголемена во Врапчиште за 0,48 процентни поени, додека во другите општини е намалена: Гостивар за 1,96, Центар Жупа за 2,61 и Маврово и Ростуше за 5,82 процентни поени, стои во соопштението.