Управата за хидрометеоролошки работи (УХМР) денеска соопшти за зголемување на нивото на водата на неколку големи реки во земјава.
Најзабележителен е порастот на реката Вардар, особено кај мерните места Јегуновце и Демир Капија.
Зголемено ниво е регистрирано и кај:
- Треска кај Македонски Брод
- Пчиња кај Катлановска Бања
- Црна Река кај Новаци
- Сатеска кај Ботун
Иако повеќето реки бележат позитивен тренд, Брегалница кај Берово и Црн Дрим кај Ложани покажуваат намалување на нивото под просекот за месец ноември.
Во однос на природните езера, нивото на Дојранското, Преспанското и Охридското Езеро е стабилно и во рамките на просечните вредности за овој период од годината.