Попладнево нов земјотрес ја погоди Хрватска- епицентарот во близина на Сисак

Нов земјотрес со јачина од 3,6 степени според Рихтеровата скала ја погоди Хрватска денес вo 13 часот и 13 минути по локално време.

Евро-медитеранскиот сеизмолошки центар најпрво објави дека јачината на земјотресот е 4,0 степени според Рихтеровата скала, но потоа објави дека земјотресот бил 3,6 степени.

Земјотресот е регистриран на длабочина од два километри, а епицентарот бил на четири километри југозападно од Сисак.