Сообраќајот на државните патишта утринава се одвива непречено, но коловозите на повеќето делници се претежно влажни, информираат од Автомото сојузот на Македонија (АМСМ).
Интензитетот на сообраќај надвор од градските средини е умерен, додека на граничните премини од македонска страна нема подолги задржувања при влез и излез од државата.
Од АМСМ потсетуваат дека од 15 ноември стапи на сила законската обврска за задолжително поседување зимска опрема во возилата, која ќе важи до 15 март 2027 година, без оглед на временските услови.
Возачите кои нема да ја почитуваат законската обврска ризикуваат парична казна од 45 евра во денарска противвредност, односно околу 2.770 денари.
Возачите се повикуваат да ја прилагодат брзината на движење, да ја почитуваат сообраќајната сигнализација и да бидат особено внимателни при возење низ котлините, речните долини и клисурите, каде постои опасност од одрони.
Посебна претпазливост се препорачува на патните правци Катланово – Велес, Маврово – Дебар – Струга, Виница – Берово и Кочани – Делчево.

