Полицијата уапсила 20 годишник, па му се слошило – го однеле во болница, но веќе било доцна
Вчера почина 20-годишник од Радовиш, на кого му се слошило, откако претходно бил уапсен од полицијата.
– На 16.03.2023 во 15.35 часот во Полициска станица Радовиш е пријавено дека во Клиничката болница Штип починал В.А.(20) од Радовиш, на кого му се слошило, откако претходно бил лишен од слобода од страна на полициски службеници од Надворешната канцеларија за криминалистички работи Радовиш по извршен претрес во неговиот дом во Радовиш, со судска наредба, при кој била пронајдена марихуана, информира МВР.
По наредба на Јавен обвинител над телото на починатиот ќе се врши обдукција.
Се преземаат мерки за расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
