Македонија од овој викенд влегува во нов ладен период кој ќе донесе пад на температурите и појава на мраз, најавува метеорологот Славчо Попоски во својата најнова анализа. Студениот бран што доаѓа од исток ќе услови слаби локални врнежи, кои во градовите ќе преминат во снег.
Попоски потенцира дека вистинскиот екстремен студ може да го зафати Балканот по 20-ти јануари.
„Постои веројатност од 20 Јануари па во деновите потоа цела Европа и целиот Балкан повторно да бидат погодени од Сибирска експлозија, овој пат многу посилна од претходната која неодамна не зафати и истата ќе услови да имаме екстремно ладно време.“
Според неговите предвидувања, температурите во делови од Европа и Балканот може да се спуштат и под -25 степени, додека обилни снежни врнежи засега не се извесни.