Почина легендарниот актер Мустафа Надаревиќ познат како Изет Фазлиновиќ
После тешка и долга борба со тешка болест на 77 години почина легендарниот босански актер и комичар Мустафа Надаревиќ, а најпознат како Изет Фазлиновиќ од култната серија „Луд, збунет, нормален“, јавуваат регионалните медиуми.
Веста за неговата смрт ја потврди актерот Моамер Касумовиќ за порталот радиосарајево.ба.
На легендарниот актер му беше дијагностициран рак на белите дробови, а неодамна беше отпуштен од болница и престојуваше во својот дом во Загреб, а поради новонастанатата ситуација со коронавирусот тој воопшто не излегувал од својот стан.
Македонската јавност на него најмногу се сеќава по неговата легендарна улога во култната серија „Луд, збунет, нормален“, како Изет Фазлиновиќ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
