Швајцарските власти донесоа одлука за итно затворање на луксузниот „Гранд хотел ду голф е Палас“ во познатото алпско одморалиште Кран-Монтана.
Оваа радикална мерка доаѓа по утврдувањето на сериозни пропусти во системите за противпожарна безбедност, кои менаџментот на хотелот не успеал да ги отстрани во предвидениот рок. Првите дефекти биле евидентирани уште при инспекцијата во август минатата година, а крајниот рок за нивна поправка истекол на 15 јануари. Бидејќи условите не биле исполнети, општината донесе одлука за затворање на објектот на 6 февруари.
Ваквиот строг пристап на властите следува по трагичниот пожар во барот „Ле Констелашн“ на новогодишната ноќ, каде што животот го загубија 41 лице. Истрагата за таа несреќа откри дека објектот немал извршено безбедносна проверка цели пет години, што доведе до засилени контроли низ целото одморалиште. По повод затворањето на хотелот, од локалната општина соопштија: „Хотелот се затвора бидејќи до одредениот рок не беа надминати проблемите со безбедноста. Полицијата е овластена да ја спроведе одлуката“. За сите гости кои престојувале во објектот во моментот на затворањето, обезбедено е алтернативно сместување во други хотели во Кран-Монтана.