Пратеникот на ВМРО-ДПМНЕ Бране Петрушевски остро го критикувал денешниот протест на синдикатот ССМ, тврдејќи дека стои зад него партијата СДС со цел манипулирање на работниците. Петрушевски го обвини водството на опозиционата партија дека наместо да се бори за нивни идеи, организира протести преку синдикатни структури.
“Безидејноста и пропаста на СДС одат до таму што застануваат зад секој кој ќе најави протести,” изјави Петрушевски, додавајќи дека “наместо ССМ, стои СДС односно нивни луѓе ги организираат работниците низ Македонија за да дојдат денес во Скопје.”
Пратеникот привел конкретни примери за вклученост на членови на СДС во организирањето на протестот. “Во Тетово, работниците ги организираше истакнатиот член на СДС, Мирослав Павловски. Работниците од Струмица ги организираше Бранко Георгиев, поранешен раководител во Јавното претпријатие ‘Комуналец’. Оливер Трајковски, кој води штаб на СДС во Куманово и е вработен во Јавното претпријатие ‘Чистота и зеленило’, ги организира работниците од кумановскиот регион,” навел Петрушевски.
Иако признал дека работниците имаат право да бараат остварување на своите барања, Петрушевски го оцени начинот на организирање на протестот како политичка манипулација. “Овие примери и организацијата на денешниот протест покажува само едно дека стои знак на равенство помеѓу ССМ и СДС или ако сакате СДС е еднакво на ССМ,” констатирал тој. Според Петрушевски, ова што го прават СДС и ССМ е “измама” и нема врска со вистинска синдикална активност.