Пет дена под урнатините: Хотелски работник извлечен жив од урнатините во Мјанмар по разорниот земјотрес

Бројот на загинати во разорниот земјотрес во Мјанмар се искачи на 2.886, а 4.639 лица се повредени, а 373 се уште се водат како исчезнати, соопшти денеска информативната служба на владејачката воена хунта.

Исто така, беше објавено дека 26-годишен хотелски работник бил спасен денеска од урнатините на урнатиот хотел во мјанмарската населба Најпидав, пет дена по земјотресот со јачина од 7,7 степени според Рихтеровата скала што ја погоди земјата, јави Ксинхуа.

Две лица останаа заробени под урнатините на хотелот, а спасувачките тимови од мјанмарската и турската противпожарна служба успешно извлекоа еден преживеан на безбедно, соопшти информативниот тим на владата на Мјанмар.

Операцијата во хотелот започнала околу 15 часот по локално време во вторникот, а мажот бил спасен околу 00:30 часот по локално време денеска, се вели во соопштението.

Во тек се операции за лоцирање и спасување на останатите затрупани лица, се додава во соопштението.