Вчера во 22:20 часот на регионалниот пат Струмица-Берово, на место викано Суви Лаки, мобилниот тим „Task Force“ од Регионалниот центар за гранични работи Исток ги лишија од слобода Г.П.(32) од с.Пожаране, општина Врапчиште, С.З.(37) од с.Муртино, струмичко, Н.С.(31) од с.Воиславци, радовишко, Б.А.(25) од Радовиш и В.С.(22) од с.Злеово, радовишко, соопшти МВЕ.
При контрола на патничко возило „дачија дастер“ со скопски регистарски таблички, во кое се превезувале, била пронајдена и одземена марихуана. Лицата се задржани во полициска станица и по целосно документирање на случајот Регионалниот центар за гранични работи Исток ќе поднесе соодветна пријава.