Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство Велес поднесе кривична пријава против С.А., на работно место полицаец во Полициска станица од општа надлежност Велес, поради постоење основи на сомнение дека сторил кривично дело „загрозување на сигурноста“ по член 144 став 2 во врска со ст.1 од Кривичниот законик.
С.А. на 31.08.2025 со намера да вознемири или заплаши сопственик на сервис за продажба и поправка на возила од кого купил половно возило, за кое добил гаранција дека е во исправна состојба, но кратко време по продажбата при управување настанал дефект, му упатил закани на него и на членови од неговото семејство.
Од страна на ПС ОН Велес на полицискиот службеник С.А. одземено му е службеното оружје со кое бил задолжен, а Одделот за внатрешна контрола криминалистички истраги и професионални стандарди ќе поднесе предлог за поведување на постапка за кршење на работниот ред и дисциплина и ќе изрече задолжителни мерки отстранување од работното место до завршување на дисциплинската постапка.
Актуелно
- Тажна вест: Почина познат скопјанец – познат по својата хуманост и добрина
- Калајџиев: Си играте играчки – ѕидот на срамот е импровизација
- Бран на грип ги полни болниците во Скопје – децата се најзагрозени
- Хороскопски знаци кои чувствуваат најголем притисок пред крајот на годината
- Зеленски: Водиме разговори со Трамп за можни американски трупи во Украина
- Рама најави: Албанија почнува да произведува оклопни возила и борбени дронови
- Пукање во Будва: едно лице загина, градот под засилени безбедносни мерки
- Турција погодена од над 53.000 земјотреси годинава
