Попладнево голем број корисници соочуваат со сериозни проблеми при пристапот до социјалната мрежа Фејсбук, откако популарната апликација престана да функционира.
Според пријавите на корисници, апликацијата воопшто не се вчитува на нивните уреди.
Кај дел од граѓаните е невозможно да се логираат на своите сметки или да ги освежат содржините на почетната страница, објави порталот 4news.mk.
Техничките проблеми и прекини во работата на мрежата се забележани во повеќе различни региони.
Засега нема официјално соопштение од матичната компанија „Мета“ (Meta) за причините кои доведоа до овој прекин.
Исто така, од компанијата сè уште нема најава за тоа кога се очекува дефектот да биде отстранет и кога ќе се нормализира услугата.
Корисниците на социјалните мрежи веќе масовно реагираат на другите платформи, пријавувајќи дека не можат да пристапат до своите профили и да ја користат платформата.