Американски неименуван официјален претставник потврдил дека САД се отворени за идејата за можно разменување затвореници со Русија, но нагласил дека засега не е постигнат никаков конкретен договор.
Разговорите се одржале за време на посетата на Кирил Дмитријев на САД од 24 до 26 октомври. Дмитријев, кој го предводи Рускиот фонд за директни инвестиции и игра улога во дипломатските контакти околу Украина, изјавил дека се сретнал со американски претставници и членови на тимот на претседателот Доналд Трамп. Според него, дискусиите се однесувале на хуманитарни теми, вклучувајќи ја и можноста за размена на притворени лица.
Како што пренесува „Аксиос“, враќањето на притворените американски државјани дома претставува висок приоритет за американскиот претседател, додека Москва се надева дека евентуалната размена ќе придонесе за покажување добра волја и градење доверба меѓу двете земји.
Во моментов најмалку осум Американци се наоѓаат во руски затвори. Ниту Дмитријев, ниту американските извори не прецизираат кои притвореници би можеле да бидат опфатени со потенцијалниот договор.
САД претходно оваа година ѝ доставиле на Русија список од девет американски државјани чијo ослободување го бараат.