Основниот кривичен суд Скопје му одреди осумдневен притвор на 55-годишен скопјанец, кој се сомничи за оштетување на влезната врата на Амбасадата на Бугарија во Скопје. Мерката е изречена на предлог на Обвинителството, поради опасност од бегство, но и ризик делото да биде повторено.
Инцидентот се случил на 11 јануари, кога осомничениот со камен го скршил стаклото на влезната врата од објектот, по што веднаш побегнал. Полицијата успеала да го лоцира и приведе еден ден подоцна на подрачјето на општина Центар.
Проти него веќе е поведена кривична постапка, а судот прифати дека постојат законски основи мажот да остане во притвор додека трае истрагата за настанот кој предизвика вознемиреност во јавноста.