Ослободени стотина палестински затвореници откако израелските заложници беа предадени
Израел ослободи стотина палестински затвореници откако тројца израелски заложници се вратија од заробеништво во Појасот Газа рано денеска, соопштија палестинските власти.
Четири автобуси со затвореници, кои беа ослободени во замена за тројца мажи, според сегашниот договор за прекин на огнот меѓу Израел и палестинската екстремистичка група Хамас, пристигнаа во Појасот Газа.
Вкупно 369 Палестинци треба да бидат ослободени во сабота, вклучувајќи 333 затвореници уапсени во Појасот Газа по нападот врз Израел на 7 октомври, како и 36 затвореници од Западниот Брег и Источен Ерусалим осудени на доживотен затвор.
На дел од нив им е забрането да се вратат во татковината поради тежината на прекршокот што го направиле и според договорот ќе бидат однесени во странство.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
