Орбан ја предупреди Европа дека доаѓа „ера на рецесија“

Унгарскиот премиер Виктор Орбан денеска изјави дека постојат изгледи за доаѓање на „ера на рецесија“ во Европа.

Причината е што континентот се бори со растот на цените на енергијата и високата инфлација поради војната во Украина.

Обраќајќи се во парламентот, каде што положи заклетва како премиер по победата на изборите во април, Орбан рече дека Будимпешта нема да ги блокира санкциите на ЕУ наметнати на Русија поради нападот врз Украина се додека тие не претставуваат ризик за енергетската безбедност на Унгарија, пренесе „Ројтерс“.

Унгарскиот премиер изјави и дека владата ќе работи на сузбивање на инфлацијата во земјата, а притоа ќе преземе внимателни чекори во однос на регулирањето на цените.