Во последните 24 часа во земјава се регистрирани 24 пожари на отворен простор, од кои два се уште се активни, два се ставени под контрола, додека останатите 20 се целосно изгаснати, информира Центарот за управување со кризи.
Активни се пожарите во Општина Македонски Брод, во близина на селото Драгов Дол, каде гори ниска вегетација, нискостеблеста шума и грмушки, како и пожарот над селото Моране во Општина Студеничани, каде е зафатена мешана шума.
Под контрола се пожарот на градската депонија во Делчево и огнената стихија на планината Огражден, во Општина Ново Село.