Денешниот последен ден од годината ќе биде сончев, но исклучително студен. Според УХМР, ќе дува засилен до силен северен ветер кој дополнително ќе го разлади воздухот, а наместа ќе има услови и за провејување на снег.
Максималните дневни температури ќе се движат од -3 до 6 степени, но утрата ќе бидат ледени со минимум до -10 степени.
Во Скопје времето ќе биде претежно сончево со умерен северен ветер и дневна температура до 3 степени.
Студеното време ќе се задржи и утре, на првиот ден од новата година, како и во петок. Утринските температури насекаде ќе бидат негативни, а локално ќе се спуштат и под -10 степени.