Новинар на АФП, роден во Сараево, убиен во источна Украина
Украинскиот видео-координатор на агенцијата „Франс прес“, Арман Солдин (32), е убиен во ракетен истрел во близина на Часив Јар во источна Украина, објавија новинарите на АФП кои беа сведоци на трагедијата. Нападот се случил околу 16:30 часот на периферијата на градот кај Бахмут.
Како што пренесува порталот „Ле Монд“, екипата на АФП била истрелана со ракети „град“ додека биле со група украински војници. Солдин загинал кога ракета го погодила местото каде што лежел. Остатокот од тимот не е повреден.
„Неговата смрт е страшен потсетник за ризиците и опасностите со кои секојдневно се соочуваат новинарите додека известуваат за конфликтот во Украина – изјави претседателот на АФП, Фабрис Фрајс.
Арман Солдин е роден во Сараево, но бил француски државјанин. Во 2015 година почна да работи за АФП како дописник практикант во Рим, а подоцна беше ангажиран во Лондон. Тој беше дел од првиот тим на АФП испратен во Украина по почетокот на руската инвазија на 24 февруари 2022 година. земјата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
