Нови санкции од Канада и Британија против Лукашенко

Канада и Велика Британија денеска наметнаа санкции против Александар Лукашенко и пет членови на Владата на Белорусија, по речиси двомесечните протести и репресии против мирните протестанти. 

Под санкции потпадна и Виктор Лукашенко, најстариот син на самопрогласениот претседател на земјата.  

Во Белорусија речиси два месеца се одвиваат протести против режимот што употребува несразмерна сила, агресија и селективно задржување на мирните протестанти. 

Санкциите предвидуваат, меѓудругото, забрана на Лукашенко и другите санкционирани лица за патување во овие земји и замрзнување на нивните сметки во странство.  

Европската Унија се уште калкулирас со санкции против режимот во Белорусија, но поради консензуалното одлучување не може да го стори тоа.