Швајцарските власти објавија нови детали за страотниот пожар во локален бар, во кој животот го загубија 40 лица. Истрагата покажа дека 24-годишната келнерка Сиан Панин, која го предизвикала пожарот служејќи шампањ со прскалки, носела заштитна кацига која и го ограничила видното поле.
Според официјалните информации, заштитниот шлем бил побаран од сопственичката на локалот, Џесика Морети, со цел послужувањето да изгледа поспектакуларно. Поради кацигата, келнерката не забележала дека искрите веднаш го зафатиле плафонот.
Во оваа незапаметена трагедија, покрај Сиан, загина и 23-годишниот диџеј Матео Лесгуер, кој во моментот на служењето ја носел келнерката на своите раменици. Над сто лица се повредени, а повеќето од нив се во критична состојба со тешки изгореници.