Суарез суспендиран на четири месеци!

Играчот на Уругвај Суарез е казнет со девет меча неиграње за репрезентацијата, а причина за тоа беше гризнувањето на дефанзивецот на Италија Џорџо Кјелини.

Напаѓачот на Ливерпул ќе биде надвор од фудбалот до крајот на октомври и ќе го пропушти првиот дел од Премиер лигата како и неколку кола од Лигата на шампиони.

Уругваецот е казнет и парично со 100.000 швајцарски франци.

„Таквото однесување не може да се толерира на фудбалскиот терен, особено не на Светско првенство каде милиони луѓе ги следат ѕвездите на теренот. Дисцоплинскиот комитет на ФИФА ги зеде во предвид сите фактори на случајот и казната на Суарез е изречена заради прекршување на дисциплинскиот правилник. Суспензијата веднаш стапува во сила“, изјави претседателот на Дисциплинскиот комитет на ФИФА, Клаудио Сулсер.

Суарез до крајот на октомври не ќе може да се доближи ниту до еден стадион, а не само во Бразил.