ВНИМАВАЈТЕ: Демнат диви таксисти низ Струга

Општина Струга апелира до граѓаните, но и до туристите кои престојуваат во градот, да внимаваат со какви такси-возила се превезуваат зашто голем дел од нив во шпицот на туристичката сезона работат незаконски. 

- Во сообраќајот има возила кои работат на „црно“ односно не го почитуваат законот. Тие можат да бидат технички неисправни и да ја загрозат безбедноста на патниците. Возачите кои без дозвола вршат такси-превоз можат да бидат насилни, да го управуваат возилото под дејство на алкохол, или пак да бидат психички и физички неспособни за управување со моторно возило, предупредува Општина Струга.

Стружани и туристите, како што информира општината, можат да ги користат такси-услугите на оние возила кои на себе го содржат општинското лого и се облепени со ленти со црно-жолти коцки, а сите неправилности да ги пријават во Општинскиот инспекторат за патен сообраќај или во струшката полиција