Обама го впери прстот кон Путин

Претседателот на Америка,  Барак Обама изјави денеска дека неговиот руски колега Владимир Путин мора да ја признае новата украинска влада и да соработува со неа, да прекине со „провокации“ долж границата или ќе се соочи со поостри санкции од Г-7.

– Ќе имаме можност да видиме што Путин ќе направи во следните две, три или четири недели, и доколку остане на сегашниот курс, веќе најавивме акции кои сме подготвени да ги спроведеме, изјави Обама на прес-конференција по завршувањето на состанокот на седумте најразвиени држави во светот.

Обама додаде и дека повеќе би сакал Франција да биде воздржана по прашањето за продажба на хеликоптери на Русија.