ВМРО-ДПМНЕ: СДСМ свесно им помага на сите кои и мислат лошо на Македонија
Единствената работа со која се занимава СДСМ неколку години наназад е да креира проблеми и политички кризи на штета на сопствената држава, наведува ВМРО-ДПМНЕ во писмената реакција на денешната прес-конференција на опозициската партија.
- СДСМ наместо да се насочи кон креирање на програми, идеи, концепти и проекти или закони во полза на граѓаните, веќе подолго време единствено што работи е свесно, директно и смислено да создава политички проблеми и криза во Република Македонија, се вели во реакцијата.
Според ВМРО-ДПМНЕ, опозициската СДСМ со своето нерационално однесување свесно и директно им помага на сите оние кои не и мислат добро на Република Македонија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
